Ցիցի Դանգարեմբգա

Ցիցի Դանգարեմբգա
Ծնվել է	փետրվարի 14, 1959(1959-02-14) (65 տարեկան)
Ծննդավայր	Mutoko, Mashonaland East Province, Զիմբաբվե
Քաղաքացիություն	Զիմբաբվե
Մայրենի լեզու	շոնա
Կրթություն	Քեմբրիջի համալսարան, Զիմբաբվեի համալսարան և Arundel School?
Երկեր	Nervous Conditions?
Մասնագիտություն	գրող, կինոռեժիսոր, դրամատուրգ և սցենարիստ
Ամուսին	Olaf Koschke?
Պարգևներ և մրցանակներ	100 կին Գերմանական գրավաճառների խաղաղության պարգև և Անգլիական ՊԵՆ-ակումբի Հարոլդ Փինթերի անվան մրցանակ
Tsitsi Dangarembga Վիքիպահեստում

Ցիցի Դանգարեմբգա (անգլ.՝ Tsitsi Dangarembga, փետրվարի 14, 1959(1959-02-14), Mutoko, Mashonaland East Province, Զիմբաբվե), գրող և կինոռեժիսոր Զիմբաբվեից։

Կենսագրություն

Երկու տարեկանում իր ընտանիքի հետ միասին տեղափոխվել է Մեծ Բրիտանիա, որտեղ և մեծացել է` գրեթե մոռանալով հարազատ շոնայի լեզուն։ Ուսումն սկսել է Բրիտանիայում, բայց 1965 թվականին ուսումը շարունակել է Մուտարեի միսիոներական դպրոցում։ Այնուհետև նորից սովորել է Մեծ Բրիտանիայում, իսկ 1977 թվականից բժշկություն է սովորել Քեմբրիջի համալսարանում, բայց Զիմբաբվեի` անկախությունը նվաճելուց հետո, 1980 թվականին նորից վերադարձել է իր հայրենիք։ Հոգեբանություն է սովորել Զիմբաբվեի համալսարանում, բայց աշխատել է մարքեթինգային ֆիրմայում։ Սկսել է պիեսներ գրել։ 1985 թվականին հրապարակել է իր առաջին պատմվածքը, իսկ 1987 թվականին` իր առաջին պիեսը։ Նրա դեբյուտային վեպը (1988 թվական) լավ է ընդունվել հասարակության և քննադատության կողմից։ Սակայն նա չի սկսել շահագործել իր հաջողությունը և ընդունվել է Բեռլինի գերմանական կինոակադեմիա, այնուհետև Հարարեում հիմնադրել է պրոդյուսերական ընկերություն, որպես պրոդյուսեր հանդես է եկել մի քանի վավերագրական ֆիլմերում և 1996 թվականին ցույցադրել է ինքնուրույն խաղարկային ֆիլմ, ելույթ է ունեցել որպես Զիմբաբվեի առաջին կինը, որը գեղարվեստական ֆիլմ է նկարահանել։

Ասպիրանտուրան ավարտել է Բեռլինի Հումբոլդտի համալսարանում։ Նա աշխատում է աֆրիկյան կինոյի մասին ընկալման վերաբերյալ իր դոկտորական դիսերտացիայի վրա։

2021 թվականի հոկտեմբերին Ցիցի Դանգարեմբգան ստացավ Խաղաղության մրցանակ Ֆրանկֆուրտի գրքի տոնավաճառից։ Այս շատ հեղինակավոր մրցանակը, որն օժտված է 25000 եվրո պարգևով, հրատարակչական աշխարհում կարևորագույններից մեկն է։

Ստեղծագործություն

Գրականություն

• Նամակը/ The Letter, 1985 թվական (նորավեպ)
• Նա այլևս չի լացում/ She No Longer Weeps, 1987 թվական (պիես)
• Նյարդացնող հանգամանքներ/ Nervous Conditions, 1988 թվական (վերահրատարակվել է 1989 թվականին Ամերիկայի Միացյալ Նահանգներում, ինքնակենսագրական վեպ, Բրիտանական ընկերակցության գրականության մրցանակ, 2002 թվականին համաաֆրիկյան հեղինակավոր ժյուրիի կողմից անվանվել է Աֆրիկայի 20-րդ դարի 12 լավագույն գրքերի շարքում, վերատպել է Ayebia Clarke, 2004 թվական)
• Անէության գիրքը/ The Book of Not: A Sequel to Nervous Conditions, Ayebia Clarke, 2006 թվական (վեպի շարունակություն)

Կինո

• The Puppeter, 1996 թվական
• Մեզանից յուրաքանչյուրի երեխան/ Everyone's Child, 1996 թվական
• The Elephant People, 2000 թվական
• On the Border, 2000 թվական
• High Hopes, 2004 թվական
• Մայրերի օրը/ Kare Kare Zvako, 2004 թվական
• Ջրում/ Pamvura (2005 թվական)
• Ասա իմ անունը/ Peretera Maneta (2006 թվական)
• Ungochani (2010 թվական)
• Նյամի Նյամին և չարիքի սաղմը/ Nyaminyami amaji abulozi (2011 թվական)

Գրականություն

• Negotiating the Postcolonial emerging perspectives on Tsitsi Dangarembga/ Ann Elizabeth Willey and Jeanette Treiber, eds. Trenton: Africa World Press, 2002
• Collins W.P. Tracing Personal Expansion: Reading Selected Novels as Modern African Bildungsroman. Lanham: UP of America, 2006
• Green L.M. Literary identification in women's novels of formation from Charlotte Brontë to Tsitsi Dangarembga. Columbus: Ohio State UP, 2012

Արտաքին հղումներ

• Պաշտոնական կայք
• Կենսագրություն, մատենագրություն(անգլ.)
• IMDB կայքում

Վիքիպահեստն ունի նյութեր, որոնք վերաբերում են «Ցիցի Դանգարեմբգա» հոդվածին։